Gervigreindin er mætt í vinnuna. Spurningin er bara hvort hún vinni fyrir þig.

Myndbandsupptakan rennur í gegnum ferli sem býr til mp3-skrá með hljóðstyrksjöfnun (loudness normalisation), kóðar stiklu fyrir Instagram, sendir myndband á myndbandaveitu (CDN) og útbýr WordPress-færslu með lýsingu, tímakóðum og myndum.

Stuttmyndbönd klippast út frá völdum tímastimplum. Þau fá sjálfvirka skjátexta og textinn hreinsar sig af hikorðum eins og ehh og sko. Lógó styrktaraðila og lokaspjöld eru felld inn áður en myndband fer út.

Það sem áður tók hálfan vinnudag á hvern þátt keyrir nú að mestu sjálft. Starfsfólk hendir sér í efnið, ekki í handavinnuna.

Við byggðum birtingarkerfi sem tekur eina grein, býr til sjálfkrafa fyrirsögn og mynd fyrir hverja rás í útliti vörumerkisins, tímasetur birtingarnar og safnar árangri inn í mælaborð.

Næturkeyrsla greinir svo hvaða efni gengur best (lestur, deilingar, smellir), bætir það inn í lærdómsskrá og nærir næstu birtingar. Markaðsstarfið lærir sjálfkrafa án þess að einhver þurfi að sitja og rýna í tölur.

Daglegt afstemmingarferli ber nú saman áskrifendur milli kerfanna og finnur tekjuleka: aðganga sem höfðu ekki verið afturkallaðir þótt greiðslur væru löngu stöðvaðar. Þessir aðgangar eru lokaðir eða endurheimtir, allt eftir atvikum.

Fyrrverandi áskrifendum er skipt í hópa fyrir endurheimtarherferðir (win-back) og lykiltölur birtast í morgunsamantekt á hverjum degi. Rekstrarstjórnin veit hvað er að gerast áður en hún opnar tölvuna.

Við smíðuðum gagnamælaborð, meðal annars um ríkisfjármál, sem uppfærast sjálfkrafa úr opinberum gögnum. Staðreyndavakt rýnir skýrslur og ber tölur saman við heimildir, flaggar því sem stangast á.

Frumgerð að bréfum frá almenningi til stjórnvalda, þar sem gervigreind hjálpar til að orða málstað skýrt og málefnalega, fylgdi með. Samtökin tala í tölum sem erfitt er að hunsa.

Við greindum landgrunnið með hafdýptargögnum (bathymetry), gervihnatta- og hafísgögnum. Allt lagt ofan á gagnvirk kort, með mismunandi lögum fyrir fagfólk og einfaldara viðmót fyrir styrkumsóknir og almenning.

Vefurinn er kyrrstæður, hraður og aðgengilegur. Rannsókn á styrkjamöguleikum fylgdi líka, enda er gagnið lítið ef gögnin birtast ekki þar sem þau þurfa að sjást.

Við byggðum streymiskerfi sem vistar markaðsgögn allan sólarhringinn með vöktun, sjálfvirkum viðvörunum og endurræsingu þegar þjónustur haltra.

Samhliða keyrir greining á fréttamerkjum sem skoðar hvernig fréttir hreyfa gögnin, flaggar atvik og gefur rekstraraðilum skýra sýn. Enginn vaknar á nóttunni að ástæðulausu.

Vörulistavefurinn byggist sjálfkrafa úr CSV-skránum. Lýsingar og flokkar fara í gegnum gervigreindarþýðingu yfir á íslensku. Vefurinn endurbyggist án mannlegrar íhlutunar.

Birtingar á samfélagsmiðla eru hálfsjálfvirkar: kerfið leggur til færslur úr efni birgja og eigandinn samþykkir hverja færslu með einum smelli. Markaðsstarfið heldur sér uppi án þess að heildsalinn þurfi að ráða til sín heila deild.

Við byggðum fjöltyngt vefforrit (enska, þýska, spænska, franska, íslenska) með gervigreindarröddum og vefbestun. Hvert tungumál með sinn hreina slóðatræ og skipulögð gögn.

Fyrir sýnileika í gervigreindarleit smíðuðum við llms.txt, reglur fyrir gervigreindarskriðla og skrifuðum efni sem stór málmódel geta vitnað í með öryggi. Vefurinn sést þar sem notendur eru í dag.